Солидарност со жителите на Париз и Бејрут


Изразуваме сочувство и солидарност со Парижани и жителите на Бејрут и сите кои страдаа во вчерашните терористички напади во овие две земји.

Коренот на ваквите терористички напади лежи во империјализмот, кој во склад со своите економско-финансиски интереси експлоатира цели региони и народи, со што продуцира сиромаштија и економски нееднаквости кои понатаму се развиваат во верски екстремизам и тероризам.

Оттука, борбата против тероризмот може да биде успешна само ако се фокусира на длабоките корени на проблемот, на системските причинители. Затоа, нашата борба против империјализмот, експлоатацијата, сиромаштијата и економската нееднаквост е и борба против тероризмот.

Воедно повикуваме на разумност и воздржаност, да не надвладее ксенофобијата, а различностите кои не’ збогатуваат да не се претворат во непремостливи пречки за меѓусебните односи помеѓу државите и нивните жители.

11220926_1078139238892975_1957489633324792543_n