Добредојдовте на официјалната веб-страница на Левица

Солидарен протест во Скопје против рудниците на смртта

Денес пред централната канцеларија на корпорацијата Еуромакс беше одржан солидарен протест со блокадите кои веќе петти ден се одвиваат против рудникот Иловица-Штука. На собирот беа присутни и членови на Левица.

Локалното население во Струмичко води искрен народен бунт за да го одбрани своето природно богатство против профитерите со истечена концесија, кои вчера со своите платеници и обезбедување се обидоа да ги спречат барикадите против рудникот на смртта. Овој народ во Струмица и околината повеќе од една година демонстрира непокорлива истрајност во борбата да се заштити своето парче земја од странските експлоататори желни за профит.

Никакви закани, притисоци и поткупувања не успеаја да ја разводнат бескопромисната битка за зачувување на планината Огражден и станува јасно дека природното богатство на Југоистокот ќе остане таму каде што вистински припаѓа – во локалното население кое покажа дека умее достоинствено и храбро да го одбрани.

Моќта е во рацете на народот!

Најнови објави