Свежи се сеќавањата кога Шилегов јавно говореше дека примарна цел во неговиот мандат е намалување на загадувањето и создавањето на зелено Скопје, но по станувањето на градоначалник, Шилегов заборави на своите ветувања и проблемите на жителите на Скопје и продолжи да живее во својот паралелен универзум.

Наместо намалување на загадувањето и враќање на зеленилото, Шилегов е главниот протагонист на дополнително уништување и узурпирање на зелени површини во центарот на градот.

Последниот доказ за тоа е распишувањето на тендер за изработка главен проект за инфраструктурен коридор предвиден како продолжување на Булеварот “Св. Климент Охридски”, па со мост преку реката Вардар и тунел под Кале поврзување со Пластичарска. Со ова ќе се уништи дел од зеленилото во Паркот на Франкофонијата, ќе се зголеми бучавата и загадувањето во овој дел од Градот. Она што е за осуда е самоволието на Шилегов кој по рецептот на Груевски се става во улога на главен архитект на Скопје и без консултирање на стручни лица и граѓаните носи штетни одлуки кои единствено ќе го нарушат живеењето на жителите во Скопје.