Поднесено барање за инспекциски надзор


Откако анонимно беше пријавено за нови градежни активности во село Радожда (Струга), повторно поднесовме Барање за инспекциски надзор до три надлежни институции. На претходните две наши барања, добивме одговор дека се работи за нелегални градби со решение за отстранување на истите.

Охридското езеро и неговите природни реткости се под директна закана од криминалните бизниси кои неказнето со децении ги водат корумираните политички елити. Градежната мафија во спрега со власта продолжува да дивее несанкционирано, водејќи се единствено од интересот за лично богатење.

Ваквата поставеност на економските односи креира систем кој бескруполозно уништува се’ пред себе – додека последиците од уништените природни богатства, загадениот воздух, урбанистичкиот хаос и опустошените шуми ги трпи обичниот народ. Изолираниот пристап не е доволен за да ги санира ваквите разорни ефекти – потребна е системска промена каде обичниот човек (а не профитот и приватната сопственост) ќе биде највисока вредност!