Згрозени од вчерашните немири, поттикнати од обвинувања за нефер избори, во поранешните британски Тринаесет Колонии, политичката партија Левица изразува загриженост за состојбата на демократијата во северноамериканскиот регион.

Снимките и сликите како демонстрантите насилно влегуваат во законодавниот дом, како и фактот дека има извештаи за престрелки со огнено оружје во него кои резултираа и со човечки жртви, се показател дека локалните пост-колонијални власти не се способни да го зачуваат мирот, просперитетот и демократијата во нивната држава.

Левица апелира до Советот за безбедност при Обединетите Нации под итно да испратат мировни сили и да воспостават контрола врз ситуацијата се до оној момент во кој меѓународната заедница ќе оцени дека има услови да се одржат фер и демократски избори.

Сектор Надворешна политика и безбедност – Левица