Добредојдовте на официјалната веб-страница на Левица

Левица го оспори законот за Макпетрол пред Уставен суд на РМ

Денес Левица, до Уставниот суд на Република Македонија, поднесе Иницијатива за поведување на постапка за оценување на уставноста на Законот за решавање на спорот помеѓу Владата на РМ и Макпетрол АД Скопје по пат на спогодба (од 28 декември 2020).

По тој повод, нашиот член на ЦК и член на Правниот сектор на Партијата – Саше Јанчев, по поднесувањето на претставката, пред Уставниот суд, одржа прес конференција.

„Прво е пробиена тријалистичката поделба на власта на законодавна, извршна и судска. Имено, законодавниот дом пробува да реши судски спор стар 15 години и со тоа прави упад во надлежностите на судската власт и делува како вонреден суд што е изречно забрането со Уставот. Друга работа е што законот е привилегирачки, се рашава спор само на една компанија, а сите останати компании, коишто имаат судски спорови со владата се тргаат на страна. Воедно законот е и фаворизирачки, затоа што се нарушува правната еднаквост на економските субјекти, која е гарантирана со Уставот, трета работа е што никаде не се спомнува кој ќе го плати данокот на капитална добивка, а според Устав сите субјекти се должни да плаќаат данок и јавни давачки. Четврта работа е што од нигде-никаде во законот се инволвира трето незаинтересирано и неинволвирано лице, а тоа е „А.Д. Национални енергетски ресурси”, кое е во државна сопственост и кое е инволвирано со цел преку него да се направи наплата.Тоа е најверојатно така, затоа што Владата сака да ја тргне од свои раце евентуалната идна кривична одговорност“ – истакна Јанчев на прес конференцијата.

 

Најнови објави