На изминатите избори, претставниците на двете најголеми политички партии СДСМ и ВМРО-ДПМНЕ, ветуваа решавање на проблемите на жителите на Влае. Сепак и денес сите сме сведоци на бројните проблеми со кои се соочуваат жителите.
Еден од нив е и неасфалтираната улица кај игралиштето кај улица Франце Прешерн. Во 2021 година оваа улица се’ уште не е асфалтирана, па жителите се принудени да се движат по каллива и раскопана земјена улица.
За овој дел во 2012 година е усвоен и ДУП со кој се предвидува и изградба на паркинг простор, но ниту сегашниот, ниту претходниот градоначалник на Карпош не го спроведе овој ДУП.
Дополнителен проблем е и ѓубрето околу игралиштето кое не се чисти.
ПОЛИТИЧКА ПАРТИЈА ЛЕВИЦА – ЛО КАРПОШ