Добредојдовте на официјалната веб-страница на Левица

More

    Левица воведува нова политичка култура во општинските совети

    За само два месеца од стапнувањето во општинските совети (ноември и декември 2021), советниците на Левица ширум Македонија воведоа многу новини и позитивни промени во работењето и во креирањето на локалната политика.
    Во продолжение на оваа рекапитулација ги наведуваме само најбитните:

    1. ЈАВЕН ИНТЕРЕС
    – непочитување на недостоинствената придавка „Северна“ и потпишување на свечените изјави со називот „Република Македонија“, како име на државата во согласност со волјата на граѓаните изразена на два референдума;
    – спречување продажба на државно и општинско земјиште (градежни парцели);
    – иницијатива за дополнителен локален референдум за поништување на ДУПови;
    – спречено спонзорирање на приватни медиуми со јавни пари;
    – вонредни инспекциски контроли за сомнителни продажби на општинско земјиште;
    – ревизија на работењето на јавните претпријатија;
    – откажување од сите функционерски привилегии;
    – спроведување онлајн анкети.

    2. ТРАНСПАРЕНТНОСТ ВО РАБОТЕЊЕТО
    – обезбедување пренос во живо на седниците на Советот;
    – отворени денови за прием на граѓаните;
    – стотици барања за пристап до информации од јавен карактер;
    – откривање и актуелизирање на десетици локални скандали во врска со наместени конкурси за вработување.

    3. ДЕСОРОСОИДИЗАЦИЈА
    – исклучување на корумпираните невладини организации (т.н. НВО сектор) од општинските проекти и пренамена на буџетските средства за вработување на логопеди и дефектолози во градинките.

    4. ЕКОЛОГИЈА И ЗЕЛЕНИ ПОЛИТИКИ
    – мапирање и чистење на повеќе жешки точки и диви депонии низ општините;
    – пренамена на средства за набавка на електростатски филтри на оџаците на објектитe за домување;
    – воведување зелен Регистар на дрвја посадени на јавни површини;
    – употреба на машини за дислокација и пресадување здрави дрвја;
    – акциски план за заштита на амбиенталниот воздух;
    – нови мерни уреди за мерење на квалитетот на воздухот;
    – инсталирање фотоволтаични системи на јавните објекти.

    5. ЛИЦА СО ПОСЕБНИ ПОТРЕБИ
    – обезбедување средства за Дневни центри за лица со посебни потреби;
    – сензорна соба за лицата со попреченост;
    – субвенционирање на електромоторни инвалидски колички;
    – прилагодување на тротоарите за лица со физичка попреченост;
    – зголемување на средствата наменети за домување на возрасни лица со попреченост.

    6. СОЦИЈАЛА
    – ослободување на самохрани родители од плаќање надоместок во детски градинки;
    – донирање на исечените дотраени дрвја за огрев на социјално загрозени семејства.

    7. ИНФРАСТРУКТУРА
    – асфалтирање на градски улици;
    – реконструкција на краци од главни улици;
    – уредување на детски паркови и игралишта;
    – трансформирање на дел од сообраќајниците во пешачки зони без моторни возила.

    8. КУЛТУРА И СПОРТ
    – фестивали за world, jazz и современа музика;
    – детски фестивали;
    – награден фонд за поддршка на локални уметници;
    – реконструкција на соблекувални во спортски сали;
    – спонзорирање на локални традиционални турнири и спортски манифестации;
    – поддршка на нови повеќенаменски игралишта.

    Најнови објави