Левица – Кочани: Оризопроизводителите повторно излегуваат на протести

левица кочани оризопроизводители

Соочени со тешката финансиска состојба предизвикана од ниските откупни цени на познатиот кочански ориз, од секојдневните зголемувања на цените на репроматеријалите, на ѓубривата како и од високите цени на нафтата, а од друга страна замрзнатите цени на оризот од страна на Владата, оризопроизводителите се најдоа во безизлезна ситуација и повторно се принудени својот гнев да го изразат преку протести.

Долгогодишната негрижа на државата за сопствениот бренд, познатиот кочански ориз, како и неконтролираниот увоз на ориз од странство, доведе до тоа посеаните површини од година во година да се намалуваат и полињата во општините Кочани и Чешиново – Облешево да остануваат необработени.

Левица, како партија на работниот народ, застанува со целосна и безрезервна поддршка на земјоделците и оризарите кои преку протести бараат да бидат слушнати од надлежните институции, со цел домашниот ориз да биде заштитен од нелојалната конкуренција од странство, и цените да бидат реални, односно трудот на оризарите да биде реално платен.

Се гледаме утре на протести!

ПОЛИТИЧКА ПАРТИЈА ЛЕВИЦА – ЛО КОЧАНИ
07 февруари, 2022

Loading

ПОСЛЕДНИ ОБЈАВИ