Добредојдовте на официјалната веб-страница на Левица

More

    (Видео) Левица – Кисела Вода: Нема интерес кај власта за шелтер центар за жртви на семејно насилство

    Советничката група на Левица поднесе Амандман на предлог-Буџетот на Општина Кисела Вода за 2022 година за отворање шелтер центар за жртви на семејно насилство.

    За жал, членовите на советот од ВМРО-ДПМНЕ и СДСМ не покажаа интерес за темата и не се разви дискусија за алтернативен начин на организирање помош за жртвите на семејно насилство до изготвување на Националната програма за развој на социјалната заштита (која треба да се изготви и спроведе до 2032г!).

    Па така, на штета на граѓаните, иако предлог-амандманот не побаруваше големи средства и логистика, а потребата за ваков шелтер центар е повеќе од нужна, советниците од ВМРО-ДПМНЕ беа против, а од СДСМ воздржани и Советот на Општината го одби Амандманот за отворање шелтер центар за жртви на семејно насилство.

    Ние, советничката група на Левица нема да бидеме индиферентни кон ова прашање и да останеме неми сведоци при случаите на семејно насилство кои, за жал, можат да завршат и со смртни последици, туку ќе се бориме овој неоправдано одложен рок за востановување на шелтер центарот да се помести поблизу до сегашноста.

    – Излагање на советничката во општина Кисела Вода, Златица Жантевска Пејиќ

     

    Најнови објави