Иако пред неколку месеци, министерот за економија Крешник Бектеши информираше дека е постигната заемна согласност за измените за Законот за минерални суровини, владејачката коалиција на СДСМ и ДУИ не прифати најголем дел од суштинските забелешки за овој предлог закон. Со ова, овие две партии остануваат да бидат ужасен и лош пример како се штитат идните екплоататори и како најлесно, најбрзо и законски продолжуваат да го уништуваат националното богатство.

Левица е категорично против најновите измени во Законот за минерални суровини, затоа што истите се во функција на една мала богата клика, која во иднина уште послободно, во затворен круг и без ограничувања ќе продолжи да ги уништува и експлоатира природните богатства. Оние малку направени измени во законот, кој треба по брза постапка да се донесе во Парламентот се само козметички, донесени нетранспарентно, и не соодветстуваат со барањата на активистите, на локалното население и на голем дел од засегнатата јавост.

Новиот закон ќе продолжи да ги штити идните експлоататори на минерали, а концесииите за новите рудници и каменоломи ќе се издавааат далеку од очите на јавноста, и за нив ќе одлучуваат неколку богати и моќни поединци.

Дополнително, власта повторно го злоупотребува европското знаменце, кое наместо да ја симболизира итноста од носење квалитетни и суштински измени согласно европското законодавство, стана симбол на итна неправда, со што Македонија станува еколошки најретроградната европска држава, предводена од неспособниот двоец СДСМ и ДУИ. Измените на законот се направени без претходна јавна расправа и без да се земат предвид најголемиот дел од забелешките на експертската јавност и на граѓанскиот сектор, со што власта покажа елементарна и погубна нетранспарентност.

Неколку суштински измени не беа прифатени:
– Наместо согласност од институциите, во новиот закон ќе се бара само необврзувачко мислење за идните концесионери, со што се бетонира самоволието на идниот експлоататор;
– Не се прифати барањето локалното население да биде континуирано и квалитетно информирано и активно да учествува во целокупниот процес на давање земја под концесија;
– Не се прифати локалните совети и градначалници да организираат јавни расправи и да даваат согласност за било какво идно манипулирање со државно земјиште;
– Криминалниот дует СДСМ и ДУИ не го усвои и барањето за задолжителна и нужна транспарентност и објава на сите документи, информации, решенија и жалби поврзани со оваа проблематика на официјални веб страници или на било кој друг вид на социјални медиуми.
– Не се собра храброст да се усвои Регулатива на концесиите за експлоатација на песок и чакал, со што ќе се спречеа бројните и реално можни злоупотреби на терен, што е и најголема опасност од вака донесениот неквалитетен закон.

Овој закон е врв на епохалната неспособност на СДСМ и ДУИ, и ја рефлектира мрачната еколошка иднина на нашата татковина. Во блиска иднина ќе почнеме скапо да ги плаќаме грешките на овие полуаматери во политиката, ама професионални профитери во политичкиот бизнис.