Добредојдовте на официјалната веб-страница на Левица

More

    Откако не помина законското решение на Левица – родителите на децата со попреченост повторно на протест пред Владата

    Незадоволни и разочарани поради неусвоените законски измени со кои што се предлагаше двојно зголемување на посебниот додаток, родителите на децата со попреченост вчера одржаа протест во Битола.

    На протестот повторно го искажаа своето незадоволство од недостатокот на разбирање од институциите на системот, како и од нивната незаинересираност за решавање на нивните проблеми.

    Барањата остануваат исти: двојно зголемување на посебниот додаток кој сега изнесува 5.021,00 денар, а кој што не е доволен ниту да ги покрие основните потреби од лекови, памперси и хигиенски производи за децата со попреченост; зголемување на паричниот додаток за туѓа нега и за мобилност; како и измена на законската регулатива во однос на стекнување на условите за пензија за родителот кој што се грижи за детето со попреченост и не може да оствари работен однос.

    Родителите на деца со попреченост најавија протест во петок на 29 април 2022 година, пред Владата на РМ, доколку во меѓувреме не се исполнат нивните барања.

    Потсетуваме дека подносители на законските измени за двојно зголемување на посебниот додаток за децата со попреченост беа двајцата пратеници на ЛЕВИЦА Димитар Апасиев и Борислав Крмов, но тие не добија поддршка лд парламентарното мнозинство предводено од СДСМ и ДУИ.

    ЛЕВИЦА, исто како и досега, и понатаму дава безрезервна поддршка на родителите на деца со попреченост, за истрајување во борбата за остварување на нивните права.

    Најнови објави