Добредојдовте на официјалната веб-страница на Левица

More

    МТСП со наредба да не се исплати плата на негувателките во градинките

    Во време кога штрајкот на просветните работници е ставен во мирување, Владата одлучи на негoвателките во градинките да не им исплати плата.

    После обидите за прекинување на штрајкот, притисоците, уцените и убедување на родителите да се свртат против просветните работници, Владата им заби нож во грб на најнезаштитените и тоа во време кога одлучија да седнат на преговарачка маса.

    До Левица стигнаа реакција од негувателки во градинките дека по наредба на Министерството за труд и социјална политика, за периодот додека траеше штрајкот да не им се исплатат платите!?!

    Како да не беше доволно што вршеа притисоци, упатуваа закани и уцени, беа издавани списоци и директорите царуваа со нивните познати методи за на крај да им се одмаздат на најкревките, тие што ги чуваат нашите дечиња кога се најмали.

    Како ќе продолжи штрајкот со вакви подмолни постапки и како ќе се осмелат да дигнат глас тие што се најзагрозени? Цените во продавниците се зголемија повеќекратно, а платите останаа исти. Владата ја интересираат само “проекти” од кои се полнат нивните џебови, не ја интересира обичниот човек и неговите маки.

    Наместо веднаш по најавата за штрајк да седнат на маса и да се обидат да ги исполнат барањата на работниците, Владата смислуваше секакви изговори за инфлации, пропусти во образованието, револт на родителите и незнаејќи што да направи следно, одлучи да ги казни негувателките во градинките.

    Неисплаќањето на плата за време на штрајк е најнечовечното нешто што не смее да го направи ниту една Влада.

    Пораката која им се испраќа на работниците е дека ќе има санкции за сите што ќе штрајкуваат во иднина, иако правото на штрајк е уставно загарантирано право на работникот.

    За да биде иронијата поголема, ваквото поведение го промовира токму Министерството за труд и социјална политика, министерство надлежно да ги штити и унапредува работничките права и да биде праведен арбитер и креатор на социјалните политики во државава.

    Продолжете така, но не заборавајте колку повеќе нè угнетувате толку сме посилни!

    ПОЛИТИЧКА ПАРТИЈА ЛЕВИЦА – Tрудов сектор
    6 мај, 2022

    Најнови објави