Левица во Центар со предлог - решение за справување со енергетската криза Левица

Левица во Центар со предлог – решение за справување со енергетската криза

Говори во советите

Објавено: 1 септември 2022

Тагови:

levica predlog reshenie levica resenia levica апасиев борислав крмов димитар апасиев крмов Левица ло центар политичка партија левица

Донирај онлајн

Советничката група на Левица во Општина Центар вчера на 13тата седница на советот предложи да се формира ЈП за производство на електрична енергија.

Предлогот беше сослушан и наиде на одобрување кај повеќето советници, но сепак поради понатамошна анализа ќе биде ставен на дневен ред на 14тата седница на советот на Општина Центар.

Предлогот би им овозможил на Центарци да добијат поевтина електрична енергија во време на енергетска криза.

Со овој предлог општината ќе ги намали трошоците по основ на електрична енергија за сопствени потреби како и потребите на школите, градинките и јавното осветлување.

Советничката група на Левица постави и услов вработувањата во ова ЈП да бидат единствено преку јавен оглас, без можност за партиски вработувања каде ќе работат најдобрите од пријавените.

Вработувањето и добиените апликации да се под надзор на советниците во општината кои заеднички ќе дадат дозвола за вработување на најдобрите кандидати.

Ова ново ЈП со добра концепција и добро раководење во иднина може да придонесе и за дополнителни приходи на општината.