Работниците бараат извинување од СДС Кавадарци, а не презентација на новиот сет мерки кој дополнително ја влошува состојбата

сдс

Левица-Кавадарци заедно со работниците од Општина Кавадарци кои последните неколку месеци живеат во неизвесност обидувајќи се да врзат крај со крај очекуваше СДС да се извини за неподготвеноста на Владата преку која управува со државата заедно со ДУИ, а наместо тоа доби прес-конференција во која некоја девојка која не е претставена во видеото го презентира новиот сет на мерки кои дополнително ја влошуваат состојбата.

Имено, цената на горивата се менува секојдневно, преку регулаторна комисија, наместо во законодавниот дом, како во нормалнa демократија. Еден од најголемите работодавци во Кавадарци неколку месеци ги држи работниците во неизвесност за нивните работни места токму поради лошото менаџирање со кризата на Владата на СДС која доведе до неповолности за опстанок на индустријата.

Освен мерката за намалување за 10 отсто на платата која што беше единствено соопштена во јавноста, документ обелоденет од синдикалните организации содржи уште неколку точки меѓу кои и намалување на прекувремената работа за преку 20 отсто во МВР, во АНБ, во Агенцијата за разузнување, работа од дома на вработените со ротации, а за синдикалците спорни се и намерите на владата за суспензија или укинување на колективните договори.

Неизвесноста за исплаќањето на субвенциите за земјоделците по хакерскиот напад на Министерството за Земјоделство, Шумарство и Водостопанство се уште постои по известувањето дека е нарушен пристапот до базите на податоци кои содржат информации токму за исплатените субвенции.

Централната власт постојано ги намалува дотациите до локалните самоуправи, па истите се доведени во состојба да мораат да ги зголемуваат цените на градинките, дури и во економска криза каде платите не им се доволни на работниците за тековните месечни трошоци кои ги имаат.

МОН се уште нема официјално дадено до знаење дали и кога ќе се исплаќа субвенциониран студентски оброк додека дел од факултетите веќе ја почнаа студиската година онлајн во ситуација кога централната власт не интервенира со средства за енергенси за затоплување на просториите.

Со овие мерки, односно недостатокот на истите, СДС дополнително ја влошува тешката состојба кај работниците и студентите, па апелираме до СДС наместо прес-конференции, времето да го посвети во развој на идеи за оддржлив развој и амортизација на предизвиците со кои се соочуваме поради лошите геостратешки цели на Владата како резултат на нивната поданичка и безидеолошка политика.

ПОЛИТИЧКА ПАРТИЈА ЛЕВИЦА
14.10.2022

Loading

ПОСЛЕДНИ ОБЈАВИ