СДС го распродава плодното земјоделско земјиште – за странци станува градежно земјиште

0
66

Последните неколку месеци јавноста е сведок на бројни огласи за купување на земјоделско земјиште од странски компании, најчесто од Бугарија и Косово, за изградба на фотоволтаици. Најпрво интерес на вакви компании беше плодната почва во Свети Николе, па во Штип и околината, а последно и во најпознатиот лозарски крај во државата, тиквешкиот регион.

Во моментов, странскиот капитал преку нивните корпорации цели кон најплодните земјоделски земјишта во државата за градење на фотоволтаици, а со тоа директно го загрозува производството на храна, идните аграрни реформи, како и опстанокот на земјоделците кои со својот труд си обезбедуваат средства за егзистенција.

Левица изразува сомнеж дека ненародната и военопрофитерска влада на СДС, македонското земјоделско земјиште го има ветено на странски фирми поради бизнис интересите на владините политичари.

Годините на насоченото уништување на македонското земјоделство и ниските откупни цени, наменски води кон распродажба на плодното земјиште. Левица бара од надлежните институции да забранат пренамена на земјоделско земјиште во градежно земјиште.

ПОЛИТИЧКА ПАРТИЈА ЛЕВИЦА

18.12.2022

ОСТАВЕТЕ КОМЕНТАР

ве молиме внесете го вашиот коментар!
ве молиме внесете го вашето име овде