Добредојдовте на официјалната веб-страница на Левица

More

    Никола Лазаревски
    носител на советничка листа во Општина Куманово

    Би се опишал себе си како вреден работник, кој се залага за подобрување на условите на работниците, голем бунтовник против неправдите во општеството и борец за нивно темелно искоренување.

    Кратка биографија (образование,професија и работно искуство)

    Роден сум 1993 година во Куманово. Основно училиште завршив во Кочо Рацин, додека средно во СОУ Перо Наков. Дипломирав на Правниот Факултетпри Универзитетот Гоце Делчев во Штип, оддел Применета политика и дипломатија. По дипломирањето се вработив како агент за продажба во домашна компранија за трговија и продажба на кондиторски производи, каде сé уште работам.

    Мотивација за вклучување во политиката

    Во ниту еден случај не треба да останеме само неми набљудувачи на овој триесет годишен зулум и расипништво во Македонија. Единствен начин за темелна промена на општеството е токму преку политички активности и дејствија. Општеството е презаситено од корупција, криминал беззаконие и непочит кон обичниот човек.

    Промена мора да има! Промената е неопходна! Затоа во овој момент е потребна силна борба и истрајност, со цел да се постигне промена, а не замена на политичките субјекти.

    Што сакам да променам во моето опкружување и општеството?

    Сите ние треба да тежнееме кон промени во опкружување со цел подобрување на нашата околина. Во мојата општина е неопходна темелна промена во скоро секој сегмент. Непотизмот, партиските вработувања, криминалите, местењето тендерии, сите други незаконски делувања, најстрого треба да бидат осудени и запрени. На општинтата и е потребна итна политика на децентрализација, бидејки голем дел од луѓето надвор од централното градско подрачје со децении се заборавени. Општината треба да ја направиме достоинствено место за живот на сите.

    Зошто се кандидирам преку Левица?

    Бидејќи неподмитливоста, истрајноста, борбеноста и посветеноста се темелите и одликите на Левица. Бидејќи претставува бескомпромисен коректор на власта и само таа е светло на крајот од тунелот. Време е Левица да го разбие триесет годишниот молк во Републиката, да покаже и докаже дека искрата во мракот е веќе оган.

    Мојата порака до народот

    Сведочиме точно 30 години зулум. Оваа држава и секој од нас заслужува рамноправен и подобар живот. Токму затоа мораме да се обединиме и силно да застанеме рамо до рамо за да победиме! Да победиме, за подобро утре, за подобар живот! Левица, за нов почеток!