Протестот за 27 април да не се злоупотребува за политички поени, туку да се бара целосно спроведување на правдата

Од страна на

-

22/04/2021

СООПШТЕНИЕ ДО ЈАВНОСТ

Упадот во Собранието на толпата народ, кои на 27 aприл 2017 година протестираа против коцкањето со националните и државни интерси, беше испровоциран токму од власта, која тогаш, со газење на Уставот и законите и нелегалниот избор на собранискиот спикер, ги најави политиките, чие етапно спроведување подоцна драстично го загрози суверенитетот и унитарниот карактер на Републиката.

Од денешен аспект, после толку прекршувања на Уставот, безбројните погазувања на утврдените процедури на Собранието и целокупната партизираност на државните институции, како дело токму на гарнитурата која ја узурпира целокупната власт во државата, сосема јасна е нејзината улога на ГЛАВЕН ДИРИГЕНТ во политичкиот прогон, кој се случи врз осудените, како учесници во тој немил настан. Имено, во оваа насока беа и неправедно квалификуваните и конструирани обвиненијата за учесниците од 27-ми Април, кои беа осудени како „терористи“, за потоа, дел од обвинетите да бидат селективно процесуирани и искористени за политичкиот пазар, кој СДСМ го направи за спроведување на анти-државните политики кои следеа и сѐ уште траат.

Левица го поддржува протестот, организиран од македонската дијаспора, како револт за неправедно осудените од тој случај. Оттука, оставаме нашите членови и симпатизери, на овој сенароден протест да се вклучат по своја волја, притоа апелираме, тој да не се искористува за партиски цели и прибирање на политички поени, туку со чиста совест, без партиски симболи, да се бара целосно и доследно спроведување на правдата.

Потенцираме дека, уставобранителите, како осудени за учество на настаните од 27-ми Април, се гонети како извршители, додека вистинските виновници, нарачателите, не само што се на слобода, туку некои од нив се дури и наградени со милионски тендери и разно-разни бенефиции. Оттука, тие (осудените) се само жртви на погрешните и непромислени политики на претходната власт, предводена од дуото Груевски-Мијалков.

За крај, укажуваме на тоа дека властодржците во Македонија имаат совршено развиени методи за контаминирање на протестите и нивно искористување, при што тие стануваат цел сама за себе. Затоа, револтот на народот не треба да биде истрошен по улиците, туку тој треба да биде политички канализиран кон артикулација на една заедничка опозициска платформа со единствена цел – пад и одговорност на оваа ненародна власт!

ПОЛИТИЧКА ПАРТИЈА ЛЕВИЦА
22 април, 2021

Претседателот на Левица се сретна со рускиот амбасадор во Македонија

Од страна на

Левица

-

22/04/2021

0

apasiev-sergej — Средба на рускиот амбасадор Сергеј Баздникин и лидерот на Левица Димитар Апасиев

СООПШТЕНИЕ ДО ЈАВНОСТ

Денес, 22 април 2021 година (четврток), со почеток во 11:00 часот, во репрезентативната „Струшка соба“ на Собранието на РМ – пратеникот проф. д-р Димитар Апасиев од Левица оствари средба со рускиот амбасадор во Република Македонија – Н.Е. Сергеј Баздникин.

На оваа прва официјална средба беше разговарано за предизвиците со кои се соочува земјата во време на пандемијата со Ковид-19, како и за ефикасноста на процесот на вакцинација на населението со руската вакцина „Спутник V“, која им беше понудена на македонските здравствени власти уште во месец август 2020 год. Отворени беа и прашања од важност за Западен Балкан, како и за непромислените антируски изјави на шефот на дипломатијата – г. Бујар Османи, кои беа оценети како непотребни и провокаторски, и кои воопшто не придонесуваат кон развојот на традиционално добрите меѓудржавни односи. Пратеникот Апасиев се огради од последниот контроверзен твит на министерот за надворешни работи и потсети дека ваквиот министерски личен став воопшто не ја изразува волјата на мнозинството наши сограѓани.

Отворени беа и други прашања за културната и образовната размена помеѓу двете земји, со особено значење на стипендиите за македонските студенти кои ги дава Руската амбасада на годишно ниво, а беа опфатени и теми од современата геополитика.

Средбата помина во срдечна и пријателска атмосфера, со надеж за продлабочена идна соработка меѓу двата народа.

Од владеењето на СДСМ најголема колатерална штета имаат работниците

Од страна на

Левица

-

21/04/2021

0

Во борбата на СДСМ со ветерници и целосно насочено внимание на искривување на сликата која ја претставуваат во јавноста, единствена колатерална штета се работниците.

Оваа владејачка гарнитура, предводена од СДСМ, мора да ја напушти власта, за да запрат овие деструктивни политики кои се проширени во секое поле од општественото живеење! Власта мора да се стави во служба на граѓаните, пред се’, во санирање на последиците настанати токму од досегашно погрешно политичко дејствување на оваа гарнитура!

Во месец март дури на 54.662 работници им е ускратено законското право на надомест на плата, а 10.000 работници немаат земено плата ниту за месец февруари, иако чесно ги имаат заработено.

Со ова, СДСМ повторно, по којзнае кој пат потврдува дека работникот е на најниско можно ниво во нивните приоритети. Оваа партија воопшто нема ниту желба, ниту способност, одговорно да излезе во пресрет на најголемото мнозинство во државата – работничката класа, која оставена сама на себе секојднево се бори да обезбеди гола егзистенција.

Додека функционерите од народот наплаќаат милионски суми за патни и службени трошоци како и плати, на обичниот работник не му се исплаќа ни онаа минимална плата која чесно си ја заработил!

Левица, СЕКОГАШ ќе ги има како свој најважен приоритет работниците! Затоа бараме владејачкото мнозинство да престане со штетните политики и парите предвидени за плати да бидат исплатени директно на сметктие на работниците, со што би се спречиле потенцијални злоупотреби како во минатото.

ПОЛИТИЧКА ПАРТИЈА ЛЕВИЦА – ТРУДОВ СЕКТОР
21 април, 2021

Загрозена и неизвесна иднината на илјадници вработени во Дрекселмаер од Тиквешијата и пошироко

Од страна на

Левица

-

21/04/2021

0

Левица, по анонимни дојави од повеќемина поранешни и сегашни вработени во фабриката Дрекслермаер, лоцирана близу Кавадарци (ДММ), дојде до сознанија дека, во оваа компанија бројот на вработени во изминатиот период од околу една година е драстично намален – за околу 1000 луѓе. Односно, од поранешни околу 6000 вработени, сега се останати околу 5000, а овој тренд на намалување на вработените и понатаму продолжува со дополнителни отпуштања и непродолжување на договори за вработување на определено време.

Оваа странска компанија, откако ги искористи државните бенефиции во првите години од своето работење (милиони евра субвенции од државни/народни пари) и евтината работна сила, сега ги отфрла луѓето како искористена роба и тоа сред светска пандемија и здравствено-економска криза.

Повеќемина поранешни вработени, од лично искуство се имаат пожалено кај нас како политичка партија, дека отпуштањата ги прават на крајно нехуман и некоректен начин. Имено, последниот час од последниот работен ден од нивните договори за вработување луѓето биле повикувани на разговор во оддел човечки ресурси и им било соопштувано – од утре да не доаѓаат, дека не им се продолжува договорот.

Дополнително ни пристигаат информации дека носечкиот проект во ДММ “Ц класа W205, GLC253“ е во план да се заврши до крајот на оваа 2021 година, а по завршувањето на тој проект бројот на вработени во наредната година ќе се намали за дополнителни 2000-3000.

Владата или општинските органи наместо да застанат на страна на работниците, си прават ПИ-АР кампања за наводни инвестиции и отворање на нов погон. Сето ова, додека до нас секојдневно пристигаат информации дека во оваа компанија често не се почитува Законот за работни односи на Република Македонија. Има доста вработени, кои биле повеќе од цели 5 години во непрекинат работен однос, но се’ уште немале добиено договор на неопределено и во Заводот за вработување се’ уште се водат со договор на определено. Од друга страна пак, на голем дел од вработените не им било дозволено да користат годишен одмор во непрекинато траење од најмалку 2 недели во текот на претходните години пред пандемијата.

Левица, како партија која стреми кон класно освестување на работникот, будно ги следи овие чинови на злоупотреба и угнетување на работничките права. Во име на вработените во компанијата и нивните семејства, бараме итни одговори по овие прашања и преземање одговорност, како и решавање на нерегуларностите од страна на раководството на компанијата. Во спротивно нашиот правен тим ќе ги преземе сите можни ресурси за правно постапување по истите.

ПОЛИТИЧКА ПАРТИЈА ЛЕВИЦА – ЛО КАВАДАРЦИ
21 април, 2021

По роварењето во горните делови во Козле, Богоев пушти багери и во Горно Нерези

Од страна на

Левица

-

20/04/2021

0

Тоа што можеш да го уништиш во првиот мандат, не го оставај за вториот, зошто може и да го немаш – ова е максимата по која се водат градоначалниците во Македонија со децении, а по истата се води и Стефан Богоев.

Откако преќутно дозволи багери да го роварат зеленилото во горните делови на Козле, багери активно работат и во Горно Нерези, во близина на манастирот „Св. Пантелејмон“.

Градежниот бум кој започна со самата пролет е проследен со узурпација на зеленило, сечење на ниско и високостеблеста шума, а самиот градежен шут неретко се депонира во околните долови.

Дивоградбите секојдневно никнуваат, а сето тоа се аминува од страна на Богоев и Општина Карпош. Со ова Богоев, уште еднаш ја демонстрира незаинтересираноста за жителите и нивните потреби, а ја потврдува неговата посветеност кон бетонизација на општината, по секоја цена!

ПОЛИТИЧКА ПАРТИЈА ЛЕВИЦА – ЛО КАРПОШ
20 април, 2021

Левица поднесе кривични пријави против спикерот на парламентот и против двајцата пратеници кои дојдоа заразени во Собранието

Од страна на

Левица

-

20/04/2021

0

СООПШТЕНИЕ ДО ЈАВНОСТ

Денес, Политичката партија Левица и нејзините пратеници во Собранието на Република Македонија (Димитар Апасиев и Борислав Крмов) поднесоа пријава до Државниот санитарен и здравствен инспекторат – со известување за прекршување на мерката строга изолација (карантин), како и КРИВИЧНА ПРИЈАВА до Основното јавно обвинителство – Скопје против пратениците Бисера Костадинова-Стојчевска од Битола и Мирослав Богдановски од Скопје, како и против претседателот на Собранието – Талат Џафери.

Тројцата се теретат дека, со умисла и по претходна меѓусебна координација, сториле кривично дело „Непостапување според здравствените прописи за време на епидемија“ (казниво по чл. 206 од Кривичниот законик), како и обид за „Пренесување на заразна болест“ (чл. 205 од КЗ) врз останатите пратеници, со елементи на тешки дела против здравјето на луѓето.

Дополнително, со таквото свое дејствие, предизвикале став и несигурност кај пратениците и кај јавноста, но воедно го довеле во прашање животот и здравјето на народните избраници и на нивните семејства, а со тоа и нормалното функционирање на институцијата Собрание на РМ – како централен државен орган и единствен уставен носител на законодавната власт во Републиката. Сето ова го договарал и знаел и собранискиот спикер – третопријавениот Џафери, но истиот не само што не сторил ништо за да го спречи, како најповикано одговорно службено лице со дадени овластувања со Законот за Собранието на РМ и со Деловникот на Собранието на РМ, туку истиот и го организирал овој опасен биохазарден експеримент, кој може да го парализира нормалното работење на законодавниот дом во целина!

Очекуваме од ОЈО Скопје да постапи во поднесената пријава во најбрз можен рок, како и во другите случаи на прекршување на мерката домашен карантин на лица позитивни на коронавирусот, со што би ставил до знаење дека сите граѓани се еднакви пред Уставот и законите.

.

ПОЛИТИЧКА ПАРТИЈА ЛЕВИЦА
20 април, 2021