И годинава, исто како и минатата, градоначалникот на Општина Аеродром, видеото од седницата за носење на буџетот на општината го крие од јавноста и не го закачува на Ју Тјуб каналот. На седницата на Советот на Општина Аеродром, која се одржа на 26 декември, беше донесен Буџетот за 2025 година, а беа предложени амандмани од сите советнички групи.

Прашуваме, дали градоначалникот Дејан Митески сака да сокрие нешто од јавноста при носење на овој „изборен” буџет, или не сака јавноста да дознае за што ќе се трошат народните пари???

Ова не е прв пат на овој начин да се крие видеозапис од седница на Совет при носење на важни одлуки. Истото се случи и при носење на ланскиот буџет, а и при носење на спорниот ДУП за населба Лисиче.

Сакаме да го потсетиме градоначалникот Дејан Митески дека транспарентноста не е привилегија, туку обврска на секој избран претставник.

Граѓаните на Аеродром заслужуваат подобро!