Измените за 60-часовна работна недела остануваат заглавени поради амандманите на Левица

337742392_1424314248384310_5605774466087563660_n

Ја известуваме јавноста дека денес повторно беше одложена седницата на Комисијата за труд и социјална политика, поради поднесените 1.111 амандмани од страна на пратениците на Левица, Димитар Апасиев и Борислав Крмов.

Пратениците на СДС и ДУИ предлагаат прекувремената работа на работниците, во случаите кои се од национален и стратегиски интерес (како што е проектот „Бехтел и Енка“) да може да трае подолго од пропишаните осум часа во текот на една недела, повеќе од осум часа во просек неделно во период од три месеци и повеќе од 190 часа годишно.

Освен што социјал-демократската влада драстично ги редуцира работничките права и го враќа работникот во 20-ти век, скандалозно е што во новиот предлог не е наведено колку е новата граница за прекувремена работа, што значи дека нема ограничување колку часа дополнително може да работи еден работник.

Потсетуваме дека ваквата одредба минатата година беше укината од страна на Уставниот суд, бидејќи истата го крши уставно загарантираното право на траење на работна недела. Бидејќи одлуката на Уставниот суд е конечна и истата не може да се заобиколува со законски измени, пратениците кои би гласале за овие измени треба да се свесни дека за таквиот потег се сноси кривична одговорност.

Бидејќи пратениците на ВМРО-ДПМНЕ најавија дека нема да има активна блокада против низата штетни закони, единствено пратениците на Левица со сите свои сили ќе се спротистават на овие скандалозни закони, кои го рушат правниот поредок и го загрозуваат јавниот интерес.

ПОЛИТИЧКА ПАРТИЈА ЛЕВИЦА

18.04.2023

Loading

ПОСЛЕДНИ ОБЈАВИ