Партизираноста на судството продолжува со Весна Дамева

317997681_717298673086533_229690807032074755_n

Loading

Тагови:

Донирај онлајн

По изборот на Абази за шеф на Обвинителството за гонење на организиран криминал и корупција, следеше скандалот со синот на Џафери кој полагал правосуден испит без да исполни услови, за вчера да кулминира со избор на нов претседател на Судскиот совет близок до СДС.

За Весна Дамева, која сама за себе вели дека има “интегритет”, медиумите објавија дека била член на партиската комисија на СДС, а истата е сликана со поранешниот премиер, Зоран Заев. Дамева никогаш не била судија, туку само стручен соработник на омилената судија на режимот, Добрила Кацарска во Основниот кривичен суд Скопје.

Весна Дамева, која нема ден судиско искуство, ќе одлучува за изборот на судии, дисциплински постапки на судии и ќе разрешува судии. Со изборот на Дамева за претседателка на Судскиот совет, судиите ќе одговараат пред стручен соработник, што е деградирачко за судии со долгогодишно судиско искуство.

За потсетување, во 2019 година, Дамева заедно со нејзината претходничка на претседателската функција во Судскиот совет – Црвенковска, се предложени од Стево Пендаровски за членови на Судскиот совет.

Откако Црвенковска изјави дека не е подобна за ,,судските бизнис елити”, Дамева побрза да се кандидира и да го преземе претседателството со Судскиот совет, за да ја продолжи партиско – коруптивната агенда на СДС и ДУИ, која го разорува и целосно го има заробено правосудството во Македонија.

Нема да биде изненадување кога ваков претседател на Судскиот совет ќе си го оркестрира за неколку месеци изборот на веќе скандалозните кандидати на Академијата за судии и јавни обвинители.

ПОЛИТИЧКА ПАРТИЈА ЛЕВИЦА
06.12.2022

Loading

ПОСЛЕДНИ ОБЈАВИ