Президиумот е главниот политичко-егзекутивен т.е. извршен орган на Партијата, којшто функционира како колективното претседателство. Президиумот е составен од 10 (десет) рамноправни членови со императивен мандат, делегирани од страна на ЦК и тие можат да бидат отповикани во секое време.
Членови на Президиумот на Левица се:
Андреј Јованчевски (1992, Скопје) – преведувач. Студирал општа и компаративна книжевност и славистика. Работи како преведувач и редактор на книжевни текстови. Активист во ДСП „Ленка“, МО „Мугра“ и во повеќе автономни културно-социјални иницијативи.
Дејан Лутовски (1990, Битола) – дипломиран правник. Од 2011 година е социјален активист во бројни иницијативи и во Движењето за социјална правда „Ленка“. Работи како адвокатски приправник.
Димитар Апасиев (1983, Велес) – доктор на правни науки. Тој е долгогодишен политички активист на ДСП „Ленка“. Работи како доцент на Правниот факултет при Државниот универзитет „Гоце Делчев“ – Штип, Катедра за граѓанско право. Предава Римско право, Судскa реторика и Философија на правото.
Здравко Савески (1976, Битола) – доктор на политички науки, синдикалец и долгогодишен активист. До 2015 е член на Левичарското движење „Солидарност“, а претходно, до 2011, член на Движењето за социјална правда „Ленка“. До февруари 2016 бил секретар на Мултиетничкиот синдикат за образование – МЕСО, а претходно, професор на ФОН Универзитет – Скопје.
Зоран Василески (1986, Струга) – магистер на правни науки, оддел Уставно право и политички систем. Пред формирањето на Левица бил член на марксистичкиот кружок „Нова Искра“ и активист на ДСП „Ленка“. Работи како правник во Скопје.
Мариглен Демири (1985, Битола) – дипломиран професор по Филозофија. Активист за социјална правда, дел од многу активистички иницијативи.
Марија Џонс (1968, Скопје) – преведувач. Студирала драмска режија, право, книжевност, англиски јазик и сликарство во земјата и странство. Работела како новинар, радио водител, собарка, келнерка, продавач на столови и на рекламен простор во финансиско списание, наставник по англиски јазик, читач на реклами и промотивни текстови и преведувач во поранешна Југославија, Македонија, Мароко, Унгарија, Велика Британија и Јужна Африка.
Трајче Стојанов (1977, Штип) – доктор на философски науки. Работи како професор по Философија и Етика на Универзитетот „Гоце Делчев“ – Штип.
Хактан Реџеп Исмаил (1988, Скопје) – магистрант на одделот Применета политика на Правниот факултет „Јустинијан Први“ – УКИМ. Тој е еден од основачите и долгогодишен активист на ДСП „Ленка“. Живее и работи во Скопје.
Џејлан Велиу (1991, Битола) – дипломиран правник. Студент на постдипломски студии по Казнено право. Социјален активист во бројни иницијативи.
