Мотивација за вклучување во политика 

Целокупната ситуација која што ѝ се случува на Македонија, каде што се нанесени многубројни  неправди од  страна на актуелните политички моќници, ме натера да се ангажирам во политиката. Мојата лојалност и ангажман, чесност и работливост ќе придонесат за подобрување на нашите граѓански вредности и подобар живот во нашето општество.

Што сакам да постигнам и променам во моето опкружување и општеството?

Како секој совесен граѓанин во оваа држава посакувам општество кое што функционира. Општество каде проблемите кои моментално нѐ опкружуваат, а за жал се во голем број, ќе се сведат на минимум. Би почнал од водење домаќинска политика во општината, ревизија на претходни политики, запирање на шетни одлуки и корупција во советите, информирање на граѓаните за работата на советот, алармирање за потенцијални штетни одлуки, барање за вклучување на експертите и граѓаните во одлучувањето, отварање на советот за народот.

Зошто ја избрав и се кандидирам преку Левица?

Сметам дека Левица е политичка партија која се залага за својот народ и државата Македонија. Би го издвоил настојувањето на оваа партија како единствена политичка опција која се бори против криминалите на олигарсите. Левица е партија со една поинаква структура и поинаква визија. Во Левица е надежта за подобро утре. 

Мојата порака до народот

По долго време, конечно на политичката сцена се појави светла точка – ЛЕВИЦА. Да собереме храброст и заедно да креираме подобра иднина за нас и за идните генерации. Да го дадеме својот глас за ЛЕВИЦА!