Добредојдовте на официјалната веб-страница на Левица

ЛО Гевгелија по повод победата на фашизмот

Во вечерните часови на 8 наспроти 9 мај 1945, Високата команда на вооружените сили на нацистичка Германија потпиша безусловна капитулација. Со тоа заврши Втората светска војна на тлото на Европа и беше означена победа над фашизмот. Затоа 9 мај се одбележува како Денот на победата над фашизмот.

Во борбата против фашизмот свој придонес даде и македонскиот народ. Во почетокот борбата ја водат македонските партизански одреди, а тоа движење подоцна прерасна во Народноослободителна војска на Македонија (НОВМ). Војската на 9 мај 1945 година брои околу 110 000 борци. Нивната борба е од двојно значење. Од една страна е придонесот кој таа борба го даде во поразот на фашизмот, од друга страна врз основа на таа борба македонскиот народ го оствари своето право на самоопределување и го оствари идеалот на македонските револуционери од 19 век за создавање на македонска држава.

Смрт на фашизмот, слобода на народот!


Членови на ЛО Левица – Гевгелија на поклон и положување цвеќе на споменик на борци од НОБ во Негорци
Членови на ЛО Левица Гевгелија на поклон на споменик на борци од НОБ во Гостивар

Најнови објави