Црвена Младина

DSC 8660 resize scaled

Раководител

Марио Јанески (1998, Битола) – дипломиран на Факултетот за физичко образование, спорт и здравје при УКИМ. Студентски активист и борец за класна еманципција на младите. Претседател на Црвена Младина од 2022 година.

Организациски секретар

DSC_8625_resize

Кристијан Димков (2000, Скопје) – студент по социологија на Филозофскиот факултет при УКИМ. Активист за социјална правда и права на студентите. Колумнист на електронското гласило Антропол. Главен и одговорен уредник на ДСП – Ленка.

Портпарол

DSC 8633 resize scaled

Милица Давчева (2002, Скопје) – студент по социологија на Филозофскиот факултет при УКИМ. Активистка за социјална правда и подобар студентски стандард.

Црвена Младина е официјалното младинско движење на политичката партија Левица. Со изразито левичарски идеали и политичка идеологија која води кон подобри утра, Црвена Младина е единствената организација која ги застапува интересите на најпрогресивните ткива кај средношколците и студентите.

Наша Мисија

Задачата која се поставува пред нашата организација е регрутирање на сета младина во насока на поддршка и спроведување на партиската програма, како политичка платформа за спас на државата.

Нашата организација, следејќи ја традицијата на работничката култура и нејзините класни интереси, покрај заложбата во придобивање на младите кон редовите на пролетеријатот, таа е и должна да предводи во оттргнувањето на младата популација од влијанието на сите бои и нијанси на опортунизмот, империјалистичката култура и буржоаската малограѓанска идеологија и политика.

Членовите на Црвена Младина ги организираат, запознаваат и спремаат младите симпатизери на партијата и на овој начин ги подготвуваат за идни предводници на пролетерското и анти-фашистичко движење.

На овој начин Црвена Младина го сочинува резервниот кадровски извор на работничката
партија Левица.

Начин на делување

Строго водени од нашите идеолошки постулати и принципи делуваме во насока на пробудување и класно и национално освестување кај младиот човек во Македонија за кое што сметаме дека е неопходно во овие историски услови.

Преку непосредни секојдневни контакти ја промовираме нашата кауза кај младината, агитирајќи и предочувајќи за предизвиците кои и престојат на Македонија и нам како револуционерна младина која се обидува да биде предвесник на промените во општеството каде што примарни вредности ќе бидат еднаквоста, солидарноста и социјалната правда.

Нашата препознатливост се состои во нашата автентична борба и нетипичниот начин на делување, кој се разликува од останатите мејнстрим младински организации во Македонија.

Свесни за храброста која не одликува и ресурсите кои ни се ограничени, герила акциите се еден од начините на кој се обидуваме да го привлечеме вниманието на младите широки маси.

Што понатаму?

Знаејќи дека младиот интелект не препознава и секојдневно ни се приклучува во нашата борба, која можеби е и последната шанса за нашата генерација, свесни сме дека им стануваме трн во око на крупниот капитал и медиокритетите.

Колку полошо станува, толку повеќе сме мотивирани да се подготвиме за најтешките битки кои сè уште не дошле. Токму затоа, како никогаш досега претходно, во периодот што следи максимално ќе се фокусираме да го подигнеме гласот на угнетениот студент и обесправениот средношколец и секој млад човек кој е понижен и обесправен по секоја основа со кого ги делиме истите маки.

Наша цел ќе биде да ги отстраниме дефитизмот, апатијата и летаргичноста, и да всадиме храбар, борбен и револуционерен дух кај младите.

Црвена Младина ќе се залага за вбризгување на идеолошката научна мисла на марксизмот-ленинизмот во идните креаторите на општеството како политичка и културна авангарда за национална слобода и прогрес.

Еднаш победивме фашисти, ќе победиме пак!

Колумни

Приклучи се!

Биди дел од промената и приклучи се на Левица!

Донирај онлајн