Откако минатата година ја направија Македонија најзадолжена држава, расфрлањето со народни пари продолжува. Последен доказ за тоа е ребалансот на буџетот, според кој Владата ќе ја задолжи државата и граѓаните за дополнителни стотици милиони евра кои ќе бидат искористени за непродуктивни трошоци. Со ребалансот на буџетот:
- Вкупниот јавен долг ќе надмина над 60% од БДП, откако кон крајот на минатата година достигна рекордно ниво
- Не се намалени непродуктивните трошоци
- Значителен дел од парите ќе бидат искористени за контрапродуктивните економски мерки со кои наместо реална помош за граѓаните, работниците, земјоделците и семејните бизниси, истите ќе бидат насочени за помош на богатите кои и сега, како и во 90-те години, значително ќе го зголемат своето богатство на државна сметка
- Дел од парите ќе бидат искористени за индиректен предизборен ПОТКУП и тоа во време кога СДС масовно ја губи поддршката од народот
- Македонија се става во заложништво на странските кредитори, со што каматата и главницата долги години ќе бидат исплаќани од страна на граѓаните
За потсетување, сето ова го прават функционери на СДС кои пред само неколку години кога јавниот долг изнесуваше 40% предупредуваа дека Македонија е пред банкрот. Левица јавно упатува апел до министерката Ангеловска, наместо практикување на купон економска политика да воведе прогресивен данок и ДАНОК НА ЛУКСУЗ со што значително ќе се зголемат буџетските приходи, а со тоа и потребата од кредитирање ќе биде минорна.
Реакција на Економскиот Сектор.