ЛО на Левица Струмица смета дека протестите на земјоделските здруженија заради ниските отпупни цени на земјоделските производи, се демократско право на изразување на незадоволство и истите ги оправдува и поддржува.
Истовремено, ЛО на Левица Струмица, смета дека ниските откупни цени на зелката е само дел од многу поголем проблем кој постои во земјоделието. Немањето на загарантирана откупна цена и загарантиран откуп е причина за сите проблеми со откупот на земјоделските производи. Решавањето на овој проблем кој е системски, неможе да се случи преку ноќ.
Затоа, предлагаме да се отвори откупен центар за пазарните вишоци на земјоделски производи, кој би бил главен снабдувач со храна на сите воспитно образовни институции, државни болници и армијата.
Истовремено овој центар може да врши и преработка на земјоделските производи, нивно конзервирање или сушење. Ова не е нешто ново, ова и порано постоеше преку земјоделско-индустриските комбинати но со неправичната приватизација овие комбинати беа затворени.