Денешната Ваша изјава каде прејудицирате дека Република Македонија нема да добие датум за преговори со ЕУ до крајот на годинава, а и во блиска иднина, е врв на хипокризија во контекст на Вашите активности и заложби од минатото, каде не само што замижавте пред отвореното кршење на законите и свесното прескокнување на процедурите при формирањето на оваа Влада – туку и ги поддржавте нејзините понатамошни активности при спроведувањето на Преспанскиот договор, на „балкански“ начин и спротивно на резултатите од спроведениот референдум.

Независно од Вашата хипокризија, Вие сте сосема во право со денешната Ваша изјава и упатените остри критики кон актуелната власт, па дури сте и преблаг.

Прашањето за кое во моментов е заинтересирана целокупната македонска јавност е дали изјавата каде Вие наговестувате дека за Македонија нема датум во догледно време е Ваш личен став или е тоа позиција и став на официјален Париз.