Добредојдовте на официјалната веб-страница на Левица

More

    Став на Левица околу ангажманот на Бранимир Јовановиќ во Министерството за финансии

    Левица се чувствува повикана да реагира на прашањата на јавноста во врска со ангажирањето на наш член, д-р Бранимир Јовановиќ, во Министерството за финансии во новата влада на СДСМ, ДУИ и АА. Сакаме да укажеме дека Левица не учествува во новата Влада и дека ангажманот на Бранимир Јовановиќ во Министерството за финансии е како економски експерт, врз основа на неговата претходна врвна работа како економист.

    Нашиот став е дека оваа Влада е составена од личности со заемно противречни погледи за економијата и општеството; а единственото добро што произлегува од формирањето на Владата на Заев е тоа дека престана автократското, криминогено владеење на ВМРО-ДПМНЕ, што не е мала работа, но е недоволна за надминување на горливите проблеми.

    Но, сепак, посакуваме Бранимир Јовановиќ да придонесе кон остварување на политичките погледи и заложби, кои се во интерес на работниците, сиромашните, младите и другите маргинализирани групи.

    Најнови објави