Добредојдовте на официјалната веб-страница на Левица

Покана за прес – Да се запре со извршните одлуки и осиромашувањето на луѓето!

Во сабота, 5 декември, во 11.00 часот, Иницијативниот одбор на Левица ќе одржи прес конференција пред Комората на извршители на Македонија која се наоѓа на ул. „Илинденска” бр. 60/2-2, во близина на Владата на Република Македонија.

Извршните одлуки се една од главните причини за осиромашување на луѓето во земјава. Невработени, социјални случаи, хонорарци, вработени, пензионери… Сите се погодени од мечот на неправичниот закон. Стотици илјади блокирани сметки на луѓе кои секојдневно се борат за живот, немајќи доволно средства за да купат храна и лекови. Сиромашните не се должни никому! Да се запре со извршните одлуки и осиромашувањето на луѓето!

Повеќе информации на јавноста ќе и’ бидат презентирани на самата прес конференција.

Ги повикуваме сите оние наши сограѓани кои се соочуваат со проблеми создадени од немилосрдноста на извршителите да дојдат заедно да го изразиме нашето незадоволство.

Ви стоиме на располагање за дополнителни информации.

11220926_1078139238892975_1957489633324792543_n

Најнови објави