Поради сообраќајниот метеж на улиците Гоце Делчев и Ѓорги Стамов, улиците на кои излегуваат градинката “Детска радост” и болницата, локалниот огранок на Левица од Гевгелија апелира до градоначалникот и Советот на Општина Гевгелија да го изменат сообраќајниот режим на улиците 11 Октомври, Ѓорги Стамов и Гоце Делчев.

Целта е сообраќајот на овие улици во работни денови од 08:00 до 18:00 да се одвива во една насока така што ќе се растерети гужвата пред градинката, болницата и ковид центарот.

Решението не повлекува финансиски трошок, а и Општината има искуство со вакви решенија од порано.

Дополнително ЛО Гевгелија покрај овој видео апел ќе поднесе и писмено барање до Општината за изменување на сообраќајниот режим на гореспоменатите улици.