Денеска, кога го славиме јуначкото кревање на народното востание во двата херојски града – Прилеп и Куманово, против фашистичките окупаторски војски на оската и нивните балкански соработници од фашистичка Бугарија, официјални делегации на Левица во двата града, составени од пратеникот и член на Президиумот, Борислав Крмов, членовите на Президиумот, Реџеп Исмаил – Хактан, Бранко Ристов и Гораст Муратовски, портпаролот на партијата, Амар Мециновиќ, раководителката на АФЖ – Левица, Весна Кираџиева, заедно со советниците и модераторите на Локалните ограноци во општините, положија свежо цвеќе во чест на жртвите од народното востание и за вечна слава за нивниот херојски подвиг.
Споменот од високо кренатата тупаница на народниот отпор и антифашистичкиот порив, крајно, резултираше со поставување на темелите на современата македонска држава – вековно тежнеење за слобода во која сами ќе ја одредуваме сопствената судбина, ослободени од туѓите желби за нашето парче земја.
Повторно, пред нас е исправен предизвикот за чие решение црпиме од АСНОМ и НОБ како идеолошка водилка која ќе не однесе до конечна победа за Република Македонија!
Смрт за фашизмот – слобода на народот!
11. октомври 2023г.
