Добредојдовте на официјалната веб-страница на Левица

More

    Во Горно Нерези продолжува да се гради див водовод – Општината повеќе од два месеци без одговор на барањето од Левица

    Повеќе од два месеци Општина Карпош е без одговор на барањето доставено од страна на советникот на Левица во Општина Карпош, Бранко Ристов, по однос на градежните активности кои се одвиваат во Горно Нерези. До Левица Карпош пристигнаа бројни реакции од тамошните жители, кои тврдат дека се гради див водовод наменет за новите хациенди кои се градат во тој дел од Општината.

    Левица достави барање за одговор за тоа дали истиот овој водовод се гради согласно сите законски прописи и ги има добиено сите дозволи и дали Општина Карпош досега има направено увид на лице место врз основа на пријава на граѓаните или пак по службена должност?

    Во меѓувреме градежните активности се интензивираат. При тоа направена е голема штета на целата инфраструктура и природа. Голем дел од патот е оштетен и претставува опасност за сообраќајот, а необележаните ископини се закана за безбедноста на планинарите.

    ПОЛИТИЧКА ПАРТИЈА ЛЕВИЦА – ЛО КАРПОШ
    26 мај, 2021

    Најнови објави